Made by Nour

قصة المشروع

من وأنا صغيرة، كانت أمي تمسك إيدي وتعلّمني أولى غرز الكروشيه… غرز بسيطة، بس فيها دفا كبير وذكريات بعدها عايشة فيني لهلأ. كبرت، وكبر معي حبي لهالحرفة… بس ما كنت بدي ياها تضل مرتبطة بالماضي أو تنحصر بصورة “حرفة للجدّات” بس. كان عندي رغبة أعطيها روح جديدة، تواكب هاد الزمن، وتكون قريبة من ذوق البنات اليوم. لأني بحب الإكسسوارات، بلّشت جرّب وادمج بين الاثنين… بين نعومة الخيط ولمعة التفاصيل. تجربة ورا تجربة، وغلطات كتير… لحتى وصلت لقطع مميزة، فيها لمستي الخاصة. اليوم، كل قطعة بعملها فيها شي مني… من ذكرياتي، من شغفي، ومن حبي إني أخلق شي بسيط بس مميز، بيشبهني وبيشبه كل بنت بتحب تكون مختلفة